樂天廚房 (已結業)

见到新装修，开头都多人排队，谂住应该唔错吧。第一次去食晚餐夜晚9点零钟，叫乜都冇，油面冇米线冇河粉冇嗱沙汤底冇，唯有叫个鸡丝札肉米粉同海南鸡饭。鸡丝超少，米粉超少，成碗野既份量好似人地食剩倒埋一齐咁上。海南鸡又话出名，黎到得几块鸡，唔系个三种酱，我都食唔哂d饭。ok fine。我当系我迟黎食尾水。忍。第二次食下午茶，谂住俾多个机会你，试下常餐，实冇死啦。叫左沙嗲牛面，蕃茄肠仔通，牛乳炒蛋。黎到碗面涨哂，又话牛乳蛋，少少奶味都冇，又唔滑。食到我火都黎。今晚落大雨，路过见到冇乜人排队同埋见时间仲早，心谂俾多最后一次机会你。入到去，叫个嗱沙渗渗，同埋铁板餐，叫多杯芒果果茶。点知真系忍够了。嗱沙40元，份量少到离谱，一包出前一丁既份量都冇。汤底暖偏冻，我夹左两次碗面就见底。铁板餐我叫杂扒，鸡皮厚，食到尾鸡同猪扒都唔系全熟。我刚刚食完即刻返黎留个record。听日有乜肚痛都可以知道食左乜野出事。我第一次食野食到咁兴，我从来唔写食评，我都要上黎reg个新account去写。觉得我系打手既可以自己去食下。上面d食评仲话好食个d究竟收左几多钱？不吐不快上。餐饭食左$106我而家要煮杯面，食完好似冇食。