影片
更多
2009-12-31
162 浏览
09年嘅下半年真系好忙，好耐都无打到食评，呢段时间真系要多谢夫人嘅相助贡献不少！！2009年最后一次同屋企人嘅饭局，夫人就提议去呢到试下。呢到系我第一次嚟食，到步后发现自己张台安排系门口．．． 无计，真系好多人，唔订台WALK IN 基本上佢都系得两个答案 ﹣ 等得就等 ／ 无位。点都好，今晚餐饭由夫人话事，5人食饭叫咗以下咁多嘢：1.（杂绵）拼盘2. 赛螃蟹3. 火腿津白4. 京烧羊肉5. 片皮鸭6. 叉子烧饼7. 蒸饺8. 拔丝苹果（杂绵）拼盘由海蜇、牛𦟌、豆干、西芹、猪肉、荀拼出嚟嘅组合，稳阵之作。海蜇爽口，豆干、牛、猪当作前菜味道恰当，唔会一开饭就食到咁浓味，否则之后啲𩠌都唔知点算。赛螃蟹蛋白够多，炒得够滑唔会老，好味！因为坊间好多炒蛋白真系揸流滩㗎，炒完出嚟一条条柴咁。而且都欣赏醋嘅味道唔太浓～火腿津白正常无特别，间间差唔多～唯一系稍嫌金华火腿唔算太够味京烧羊肉各位有机会真系要试试呢款𩠌，够稔唔会太干，适当骚味。有准盐同自家调配酱汁拣，个人选择就咁食！片皮鸭呢到嘅片皮鸭呢．．．师父片埋好多肉，唔知系因为太多人师父以快打快片成咁，定系无咩客两食打算
2009年最后一次同屋企人嘅饭局，夫人就提议去呢到试下。呢到系我第一次嚟食，到步后发现自己张台安排系门口．．． 无计，真系好多人，唔订台WALK IN 基本上佢都系得两个答案 ﹣ 等得就等 ／ 无位。
点都好，今晚餐饭由夫人话事，5人食饭叫咗以下咁多嘢：
1.（杂绵）拼盘
2. 赛螃蟹
3. 火腿津白
4. 京烧羊肉
5. 片皮鸭
6. 叉子烧饼
7. 蒸饺
8. 拔丝苹果
（杂绵）拼盘
由海蜇、牛𦟌、豆干、西芹、猪肉、荀拼出嚟嘅组合，稳阵之作。
海蜇爽口，豆干、牛、猪当作前菜味道恰当，唔会一开饭就食到咁浓味，否则之后啲𩠌都唔知点算。
赛螃蟹
蛋白够多，炒得够滑唔会老，好味！因为坊间好多炒蛋白真系揸流滩㗎，炒完出嚟一条条柴咁。而且都欣赏醋嘅味道唔太浓～
火腿津白
正常无特别，间间差唔多～唯一系稍嫌金华火腿唔算太够味
京烧羊肉
各位有机会真系要试试呢款𩠌，够稔唔会太干，适当骚味。有准盐同自家调配酱汁拣，个人选择就咁食！
片皮鸭
呢到嘅片皮鸭呢．．．师父片埋好多肉，唔知系因为太多人师父以快打快片成咁，定系无咩客两食打算俾多啲肉我哋食，又抑或呢款片皮鸭先系正宗食法？？ 我自己就麻麻地太多肉，本身啲皮已经多油够哂腻，包皮又系面粉。真系食两旧就收咗皮～
叉子烧饼
讲穿咗即系炸菜肉松夹面包，饱肚嘢。芝麻够香～除此之外都无咩特别。
蒸饺
唔讲，另一饱肚嘢因为皮够厚！
拔丝苹果
好味唔太甜，出面食到嘅舖越嚟越少～嚟到记得一试。
其实呢到系咪特别好食呢，唔算。
不过呢类饭店香港真系买少见少所以值得支持下嘅，而且埋单一计＄900有找算系咁。但系我发现到一个现象就系部长特别对游客好，佢地好好发挥咗好客精神会帮游客留位。本地人就一律「无位！无位㖞！无位呀！」
如果大家真系想试就一定要订台又或者去到同部长讲句「すみません」
张贴
