影片
更多
2021-08-28
370 浏览
俾钱买难受，受气服务一流。今次真系好激气，食份早餐姐，咁都要俾你闹~~话说呢间上海店，假期早餐时段系由7：00至12：00！一入到去坐低叫菜，就俾果位太子仔话：「11：30啦，好多嘢都冇㗎啦，下次你哋要早啲嚟，唔好等到11：30先嚟啦」。我心谂，我都未话要乜，你就咁讲？顶，乜事先？算，我哋都照叫，一客粢饭....佢就即刻讲，粢饭我哋都唔系好想再整㗎啦！我就问，咁即系有定冇呀？有就一个字，冇都系一个字姐.... 跟住佢就问，要几多件？我哋要一件姐！佢先肯落单！跟住就开始嚟啦，呢样冇果样冇，系咁问你仲要乜，要你即时决定，要一次过落单，一次过送嚟，唔帮你分开落！喂，大佬，你呢样冇果样冇，点样即时决定呀？心谂：不如你讲仲有乜啦？如果你好忙，咪转头先落啰，做乜姐？最后，我哋只系叫咗粢饭，煎饺，小笼包同两杯豆浆就算了，加埋都成百蚊啦！最后粢饭嚟咗，老老实实，佢嘅粢饭都几好食，里面的油炸鬼脆卜卜，啲饭又烟烟韧韧，几好味！其实油炸鬼系好关健，只要系鲜炸，果一次嘅粢饭就会好味！有时呢间嘢啲粢饭会一般般，因为油炸鬼做得不好。根住要讲嘅系，粢饭嚟咗后，果位太子仔落咗好多粢饭单，有十件以上！之前你又话唔想再做
今次真系好激气，食份早餐姐，咁都要俾你闹~~
话说呢间上海店，假期早餐时段系由7：00至12：00！一入到去坐低叫菜，就俾果位太子仔话：「11：30啦，好多嘢都冇㗎啦，下次你哋要早啲嚟，唔好等到11：30先嚟啦」。
我心谂，我都未话要乜，你就咁讲？顶，乜事先？算，我哋都照叫，一客粢饭....佢就即刻讲，粢饭我哋都唔系好想再整㗎啦！我就问，咁即系有定冇呀？有就一个字，冇都系一个字姐.... 跟住佢就问，要几多件？我哋要一件姐！佢先肯落单！
跟住就开始嚟啦，呢样冇果样冇，系咁问你仲要乜，要你即时决定，要一次过落单，一次过送嚟，唔帮你分开落！
喂，大佬，你呢样冇果样冇，点样即时决定呀？心谂：不如你讲仲有乜啦？如果你好忙，咪转头先落啰，做乜姐？最后，我哋只系叫咗粢饭，煎饺，小笼包同两杯豆浆就算了，加埋都成百蚊啦！
最后粢饭嚟咗，老老实实，佢嘅粢饭都几好食，里面的油炸鬼脆卜卜，啲饭又烟烟韧韧，几好味！其实油炸鬼系好关健，只要系鲜炸，果一次嘅粢饭就会好味！有时呢间嘢啲粢饭会一般般，因为油炸鬼做得不好。
根住要讲嘅系，粢饭嚟咗后，果位太子仔落咗好多粢饭单，有十件以上！之前你又话唔想再做粢饭嘅？人衰真系冇得救，其实呢间嘢咁嘅态度，都仲有咁多人帮衬，香港人真系冇得救！我上一次嚟都成年几前，果次就俾佢呀妈闹，系咁闹你未做安心出行，我入店时已讲咗，俾我放低果两大袋嘢，我就会整㗎啦！但佢呀妈唔理，系咁闹，要即刻做！从以上经历，呢两母子都系有问题！
张贴
