影片
更多
2016-06-06
223 浏览
呢间店食物质素可以接受，但系侍应态度极差，自己做唔掂个场就会闹客人，我唔会再帮衬。我住系附近，见呢间店平日下午人客稀少、唔洗等位，因此过去一年都经常光顾（系大学返紧下昼堂多，通常系果度食个lunch先去上堂），可以叫做熟客。相信果度啲员工都认得我，一般点学生餐要睇学生证，但佢地见我落单都唔洗我出示。上两个礼拜同女友去食，就系午饭时间，大概一点左右，人流比较多。我一早去左攞位先，坐左系中间位置，女友十分钟后到左，然后一如以往地落单，学生餐：大冷乌冬（冷乌冬加大要加六蚊）、小食、餐饮。女友同我讲，佢坐既位置冷气刚好吹正个头，佢身体又唔太舒服，我就提议调个位置。我同佢换左位之后，情况都系差唔多，又见到角落位置岩岩有客人走左，我就同个男侍应讲：「冷气吹住个头，我地想转去果张枱。」佢话冇问题，就同我地一齐执晒啲野过去。新黎既客人都上晒餐，我地啲野食等左好耐都未到。我地望过去原本坐果张枱，原来啲野食送左去果张枱，而个客人又话「我地冇嗌呢啲」。有个女侍应就炆喇，系度闹啲男侍应，但系隔左好远唔知佢噏乜。个女侍应系个年约四十岁既中女，身材高挑，系度做左好耐，平时对住啲客都冇乜好气。之后佢行左去我后面张枱
上两个礼拜同女友去食，就系午饭时间，大概一点左右，人流比较多。我一早去左攞位先，坐左系中间位置，女友十分钟后到左，然后一如以往地落单，学生餐：大冷乌冬（冷乌冬加大要加六蚊）、小食、餐饮。女友同我讲，佢坐既位置冷气刚好吹正个头，佢身体又唔太舒服，我就提议调个位置。我同佢换左位之后，情况都系差唔多，又见到角落位置岩岩有客人走左，我就同个男侍应讲：「冷气吹住个头，我地想转去果张枱。」佢话冇问题，就同我地一齐执晒啲野过去。
新黎既客人都上晒餐，我地啲野食等左好耐都未到。我地望过去原本坐果张枱，原来啲野食送左去果张枱，而个客人又话「我地冇嗌呢啲」。有个女侍应就炆喇，系度闹啲男侍应，但系隔左好远唔知佢噏乜。个女侍应系个年约四十岁既中女，身材高挑，系度做左好耐，平时对住啲客都冇乜好气。之后佢行左去我后面张枱度落单，落完单佢竟然用十分清晰明瞭既声音讲左句：
「转枱搞乱晒。」
哇，我同女友当堂O左咀，即刻同佢讲「唔转得枱你就熄左个冷气佢啦，吹住个头。」佢唔知扮听唔到定点，一直冇理过我同女友。我转枱之前明明已经同你个同事讲清楚左，你个同事亦都允许左，而家转完枱，啲单乱左就可以话客人？如果系唔可以转枱既，一早同我讲话唔可以转咪得啰，你去较细个冷气就可以解决到问题。做左咁耐，呢啲野唔系要客人教返你挂？明明系你同同事沟通不足，啲单乱左，但都唔会系攞客人黎出气挂？讲真我食过澳牛、九记都叫见识过侍应可以有几西，何况人地系客人讲漏野、讲错野先会炆下。你间店食物又唔系特别好食（拎澳牛、九记同佢比真系好俾面佢），自己做唔掂个场又系度闹客人。我真系谂唔到再帮衬既理由。
讲返食物，之后再等左十分钟，野食到左。女友食量细，佢嗌既系细冷乌冬。冷乌冬会跟个汁同芥辣，乌冬够冻，口感都过得去。以前系度食，大同细既冷乌冬个size有好明显既分别。但系可能今日午市多人，个场又冧档，我个大冷乌冬同女友个细既size竟然差不多。早知系咁既话就唔加六蚊转大冷乌冬啦。食左咁耐，都系食冷乌冬居多，因为附近比较少有得食。值得一赞既系单嗌一个细既冷乌冬十二蚊，算系几平，如果细食既女仔都勉强够食。如果系热乌冬既话讲真平平无奇，小食方面亦不过不失。餐饮选择少，跟餐来去果三款，汽水再加两蚊，要特饮另外俾钱。
明人不做暗事，你唔理我唔紧要，我埋单既时候就同返另一个女侍应讲。收银果个女侍应都系度做左好耐，成日见到佢，态度都几好。我问佢态度差果个女侍应叫咩名咩职位，佢问我咩事，我就成件事讲左。佢只系一味系度讲对唔住，话今日比较多人所以先咁，会同果个侍应讲返。下，唔系午市多人就可以闹客人挂？咁我估计咁样投诉都冇结果架喇，埋单走左就算。事后我查左呢间店既店主系颜冠一，尝试联络佢，可惜过左十日都冇回应，唯有打上openrice。真系未试过食餐饭都要咁样受气，俾钱买难受。贴钱俾我都唔会再帮衬。
题外话/补充资料：
本来对呢间店印象都唔错，否则都唔会经常黎食，可惜个印象就咁俾个恶劣既侍啊姐毁于一旦。上网睇左间舖开舖背后既故事，好欣赏个店主份心机，但竟然请左啲咁既侍应，真系替个店主感到可惜。
(以上食记乃用户个人意见 , 并不代表OpenRice之观点。)
张贴
