影片
更多
2023-08-10
1130 浏览
たまご园 (荷里活广场) (钻石山) 📍𠮶日夜晚9:03先到钻石山，去到先发现本身想食𠮶间餐厅过咗last order🥲，就打算求其揾啲嘢食，点知发现好多餐厅都过咗last order😨，明明营业时间好多都系写住去到10点，不过唔紧要啦，去第二层继续揾。终于皇天不负有心人，揾到间未过last order🤩，但就话9:45清场，咁我哋都觉ok啦，要食15分钟都食得完啦，就坐咗入去，点知就系中伏嘅开始🥲。我哋9:11落单啦，嘢食9:15就到，我哋9:32食完，然后请waitress 帮手加水啦，佢就顺手问我哋食完未，帮手收嘢。然后水净系饮咗啖，第二个waitress就即刻拎埋部收款机埋嚟（补充返：间餐厅正常系出去counter俾钱），话190蚊，示意我哋即刻俾钱离开，然后友人L就话俾八达通，部收款机唔收八达通，佢就示意友人L即刻跟埋佢出去counter俾钱☺️。成个过程中系冇讲过「阵间先出去counter俾钱」、「你慢慢吖」、「饮埋杯水先」，而系喺到俾压力你，催你快啲俾钱走人咁😊。有可能系我解读错啦，但佢嘅态度同行为俾我嘅感觉就系：食完就拿拿临走啦，咪阻住我收工👎🏻。我知阻人收工犹如杀人父母
𠮶日夜晚9:03先到钻石山，去到先发现本身想食𠮶间餐厅过咗last order🥲，就打算求其揾啲嘢食，点知发现好多餐厅都过咗last order😨，明明营业时间好多都系写住去到10点，不过唔紧要啦，去第二层继续揾。终于皇天不负有心人，揾到间未过last order🤩，但就话9:45清场，咁我哋都觉ok啦，要食15分钟都食得完啦，就坐咗入去，点知就系中伏嘅开始🥲。
我哋9:11落单啦，嘢食9:15就到，我哋9:32食完，然后请waitress 帮手加水啦，佢就顺手问我哋食完未，帮手收嘢。
然后水净系饮咗啖，第二个waitress就即刻拎埋部收款机埋嚟（补充返：间餐厅正常系出去counter俾钱），话190蚊，示意我哋即刻俾钱离开，然后友人L就话俾八达通，部收款机唔收八达通，佢就示意友人L即刻跟埋佢出去counter俾钱☺️。
成个过程中系冇讲过「阵间先出去counter俾钱」、「你慢慢吖」、「饮埋杯水先」，而系喺到俾压力你，催你快啲俾钱走人咁😊。有可能系我解读错啦，但佢嘅态度同行为俾我嘅感觉就系：食完就拿拿临走啦，咪阻住我收工👎🏻。我知阻人收工犹如杀人父母，但个阵明明先33分，一开始佢系话45分先清场，明明仲有12分钟，我哋系完全冇阻佢收工，但佢就连坐低慢慢咁饮啖水嘅时间都唔俾😢。
咁我都戴返个头盔先👷🏻♀️，以下食评系食完成肚气写嘅，可能会冇咁中立，同harsh啲。但我觉得作为一间餐厅，除咗食物质素，服务态度都系好重要嘅一环，代表咗成间餐厅嘅形象，同埋如果间餐厅服务好差，作为一个消费者，我相信就算点好味，都唔会想再去俾钱买难受。但我都会尽量好中立咁去写啦。
🍴三文鱼生鸡蛋拌饭 $65 （未连加一）4.5/10
我叫咗三文鱼生鸡蛋拌饭— 配埋鼓油同饭素，但结果劲失望😮💨，劲唔夹，我食第一啖嘅时候系皱晒眉头。饭系热嘅，但三文鱼系冻的，而鸡蛋系常温，食起嚟系劲唔协调，而且三文鱼嘅份量系劲少，就系碗边𠮶几旧，仲有食到最后啲三文鱼会俾饭嘅余温整到暖，成个感觉劲恶心。唯一可取之处就系啲白饭系好食嘅米🍚，粒粒分明；蛋白系creamy嘅，但只蛋冇乜蛋味，所以其实食啲蛋白系好似系食空气咁。由于三文鱼份量少，所以大部分时间系同食鼓油捞饭加饭素系冇分别㗎，不过就盛惠$71.5🤗（连加一后）。
🍴鳗鱼滑蛋丼 $108 （未连加一）5.5/10
友人L叫咗鳗鱼滑蛋丼，我试咗啖，滑蛋嘅味道系好咸，但配咗饭就勉强可以，不过都偏咸。鳗鱼就如图中，份量劲少，寥寥可数😵💫，味道普普通通，冇乜太大特色。好啲嘅系个滑蛋🥚，口感系几好，唔老，算嫩。但以呢个价钱嚟讲，就冇下次啦。
💰 翻兜指数: 0/10
整体来说，食物质素其实系正常，但睇埋佢个价钱💲，就会觉得性价比超低，同埋佢哋嘅服务态度，真系伏到痴线🤬。一间餐厅打开门做生意，一个服务性行业，serve客嘅，未够钟就喺到赶人走，咁嘅服务仲够胆收加一，真系冇下次❌。
谭仔嘅服务态度仲好过佢，有次又系好夜先去食，啲姐姐系劲好语气咁叫我哋埋咗单先，因为埋紧数。然后我哋劲唔好意思，废事阻住人哋收工，即刻食到好快，啲姐姐见到即刻同我哋讲慢慢食，唔好急👍🏻。
张贴
