九頭鳥米線 (勝意大廈)

营业中

休息中

Instagram 啲foodie 介绍，香港连锁嘅米线店亦系好多人钟意去，但好多隐世米线店亦好好食。而呢一间米线店，俾KOL介绍系好好食，啲片都拍得好吸引，不过都系唔好尽信呢啲饮食KOL介绍，其实有大部分都系广告。九头鸟米线个名几得意，入到去店内，都算整齐干净，餐牌算多嘢拣，不过都唔够啲连锁店咁多款。我试麻辣及朋友试胡辣，大家都系少少辣程度。小食就有皮蛋及海蜇。面嘅汤底唔太重味精，食完冇话好口渴，但啲汤底我觉得唔太特别出色，啲𩠌系足料，整体味道系6-7 (10分满分)。猪软骨好大件、猪膶算好食，仲有腐竹。胡辣，有冬菇、贡丸、大肠、韮菜，啲𩠌okay，汤底一般，米线质素系正常。海蜇冇味，个汁亦一般。