Error 19 (已結業)

应承咗个仔去食一层层嘅下午茶，见到呢间餐厅有，就Bk 位去咗食。一嚟到我哋净系嗌咗个下午茶，佢个餐饮系配咗个热嘅水果茶，环境非常美丽，有花花墙，周围都有啲水晶球灯，少女味十足，喺门口仲有个打卡位，系个月亮同花花墙。我哋坐低咗之后，等咗大约15分钟，个下午茶就过到嚟啦。首先立眼望见到有汉堡包、鹅肝多士、芝麻鸡翼、虾多士、马卡龙、忌廉泡芙、仲有苹果金宝。食落嘅食物其实味道都系一般，除咗芝麻鸡翼同虾多士比较好食之外，其他味道都系普通。总括嚟讲打卡影相就几好嘅，食物就真系一般啦，短期内都唔会再嚟。