影片
更多
2012-09-05
512 浏览
同班同事讲咗好耐想食「大班楼」，今日打个电话去 book 晚饭，点知接电话果个人同我讲：「晚饭个 booking 要等到 9月尾先有…」 我心谂：「吓！有冇咁夸呀~~~ 虽然话系米芝莲1星，又话被选为全球101间最佳食肆之一… 想见识吓啫… 洗唔洗咁难?!」大家都忍唔住~~~ 不如泥个即兴，留咗几度要预订嘅小菜，就 book 咗今日 lunch 去试试！我地一行四人，抱住好大嘅期望！打开个 Menu 一睇，真系非一般的家常便饭！净系睇啲菜式名，已感觉到厨师嘅心思！虽然佢都有Set Lunch，但我地又点忍得住口? 就系咁… 响 Menu 度拣咗一拣，又问一下侍应哥哥有啲咩好介绍！头盘 : “九层塔甜醋腌渍小蕃茄” -- 小蕃茄去晒皮，闻落一啲味都无，但一咬落去，好似爆丸咁劲 juicy，九层塔啲香味好浓，又保留到蕃茄味，好surprise！值得推介！第二度菜： “龙井菊花烟熏乳鸽” -- 咬落去有啲似西式烟熏鸭胸，龙井同菊花味比较轻，味觉唔敏感嘅人可能会比较难感受到。只乳鸽可能用烟熏，一点都唔油腻，好味到连鸽头都食埋！今日主打：“鸡油花雕蒸大花蟹配陈村粉” -- 全餐焦点！！一上菜酒香
我地一行四人，抱住好大嘅期望！打开个 Menu 一睇，真系非一般的家常便饭！净系睇啲菜式名，已感觉到厨师嘅心思！虽然佢都有Set Lunch，但我地又点忍得住口? 就系咁… 响 Menu 度拣咗一拣，又问一下侍应哥哥有啲咩好介绍！
头盘 : “九层塔甜醋腌渍小蕃茄” -- 小蕃茄去晒皮，闻落一啲味都无，但一咬落去，好似爆丸咁劲 juicy，九层塔啲香味好浓，又保留到蕃茄味，好surprise！值得推介！
第二度菜： “龙井菊花烟熏乳鸽” -- 咬落去有啲似西式烟熏鸭胸，龙井同菊花味比较轻，味觉唔敏感嘅人可能会比较难感受到。只乳鸽可能用烟熏，一点都唔油腻，好味到连鸽头都食埋！
今日主打：“鸡油花雕蒸大花蟹配陈村粉” -- 全餐焦点！！一上菜酒香已扑鼻，加埋鸡油好浓郁，搞到大家留晒口水！只蟹唔系好大，但你一定估唔倒只花蟹竟然有咁多膏！！超新鲜！！正！！可见拣料有一番心机！见到陈村粉已心知不妙，我今餐一定超标！呢个魔鬼吸埋吸埋啲蟹膏蟹汁… 问你点忍得住唔将佢全部扫晒落肚~~~ XD！！死未！！
特别预订：“江南百花鸡” -- 巧手小菜，用鸡肉混埋虾胶，再铺返上鸡皮去炸。鸡皮好脆，鸡有少少油，但同埋虾胶食就平衡番，食完唔觉腻。想试就一定要预订，隔离枱望住我地碟菜，想叫都冇得叫！！
“冬菇三耳炆腐皮” -- 腐皮好特别，特登整到一砖红烧豆腐咁。碟菜甜甜地，同平时食开嘅斋唔同，唔食斋嘅人都会接受到。
最后试埋甜品 -- 平时中式甜品都不外乎糖水饱点，但佢地用子姜同桂花杞子做雪糕！我特别钟意桂花杞子雪糕，雪糕外型有啲似士多啤梨雪糕，里面有原粒杞子，清香又啲口感，值得一试~~~
题外话/补充资料：
整体泥讲，两个字：「满意！」食物水准高！但价钱稍为贵咗啲~~~ Business Lunch 或朋友聚会都okay，但好难一家十几口一齐帮衬！哈！事关要我埋单！特式菜同甜品都做得好出色，但蔬菜方面的菜式选择比较小！环境及服务方面都 okay！建议搭的士前往，因为九如坊、歌赋街一带都好难揾倒位泊车！
(以上食记乃用户个人意见 , 并不代表OpenRice之观点。)
张贴
