影片
更多
2022-10-26
1160 浏览
传闻打200次电话先book到嘅寿喜烧，终于俾我地book到位啦🖖🏻。店面较细，不过用餐空间都算舒适，装修以日系木质为主，每枱客由一位师傅负责，所以每个时段只会做到三枱客左右，难怪咁难book🤫，话佢系寿喜烧届Chanel都不为过🖖🏻。✏️Sukiyaki beef set $680@1前菜 🍎7/10冇特别写系咩名，所以唯有根据我嘅记忆描述下啦🤫。前菜系一个比较Fresh嘅蔬菜搭配，有枝豆、甜粟米、小蕃茄同茄子，present上都几可爱，枝豆好似一串提子咁😆，食材都几新鲜，但比较平平无奇。海苔蒸蛋 🍎8.5/10蒸蛋上铺咗一层海苔酱，鲜甜味美😋。寿喜烧 🍎10/10终于轮到主角A4近江和牛啦，牛肉嘅色泽一睇都知好新鲜😋，油花嘅分布均匀饱满，四个部位分别系肩胛、西冷同肉眼。师傅会先用牛脂同砂糖起锅，再落牛肉同酱汁煎香，个人认为肩胛位嘅肉质最软淋，有入口即化嘅感觉，西冷同肉眼反而会有返啲嚼劲。另上嘅日本蛋汁一啲都唔腥，牛肉点完蛋汁再食，入口更顺滑😋，肉味浓，仲带微微嘅焦糖香，真系齿颊留香，唔知要点挑剔😋。牛肉嘅份量看似唔多，但因为油花好丰富，又会搭住珍珠饭食，所以食到第三轮已经有啲饱滞😂，
✏️Sukiyaki beef set $680@1
前菜 🍎7/10
冇特别写系咩名，所以唯有根据我嘅记忆描述下啦🤫。前菜系一个比较Fresh嘅蔬菜搭配，有枝豆、甜粟米、小蕃茄同茄子，present上都几可爱，枝豆好似一串提子咁😆，食材都几新鲜，但比较平平无奇。
海苔蒸蛋 🍎8.5/10
蒸蛋上铺咗一层海苔酱，鲜甜味美😋。
寿喜烧 🍎10/10
终于轮到主角A4近江和牛啦，牛肉嘅色泽一睇都知好新鲜😋，油花嘅分布均匀饱满，四个部位分别系肩胛、西冷同肉眼。师傅会先用牛脂同砂糖起锅，再落牛肉同酱汁煎香，个人认为肩胛位嘅肉质最软淋，有入口即化嘅感觉，西冷同肉眼反而会有返啲嚼劲。另上嘅日本蛋汁一啲都唔腥，牛肉点完蛋汁再食，入口更顺滑😋，肉味浓，仲带微微嘅焦糖香，真系齿颊留香，唔知要点挑剔😋。
牛肉嘅份量看似唔多，但因为油花好丰富，又会搭住珍珠饭食，所以食到第三轮已经有啲饱滞😂，好在中途会另上煮淋咗嘅洋葱、蒟蒻面同日本春菊balance下。春菊嘅味道微涩爽脆，有啲似西洋菜，煮淋咗嘅洋葱好清甜，完全冇辛口嘅感觉，谂返都好想再食多次🥹🥹。
滑蛋牛肉饭 🍎9/10
牛肉系类似免治牛肉碎，结合半熟蛋汁，同烧锅上嘅香浓肉汁，每啖饭都系精华所在，可惜食到最尾真系好饱，如果能空腹品尝就更好了😭。
甜品 🍎8/10
甜品系芒果奶冻同苹果啫喱，味道就冇咩特别，不过作为今日嘅收结，非常清新解腻。
当时听到连寿喜烧都可以做厨师发办，觉得有啲匪夷所思，食物图片睇落都伏伏地，又真系冇谂过个体验会咁开心，嘢食好食就其一啦，其二系师传席前即煮，睇到成个过程，真系色香味俱全😋，要挑剔嘅就系摆盘有啲Hea😂，价钱都较贵，同埋预约上真系非常唔方便，由于个电话系长期冇人听，我哋只好月头Walk in去book位，如果可以增加返网上预约系统就更好啦，有机会冬天会再去试吓佢个shabu shabu😋，美味しい～
张贴
