桂花小幸 (將軍澳廣場)

营业中

休息中

其实今次系第二次帮衬，之前觉得炖汤、炸猪排都超水准，只系个冷气过冻有啲恶顶，所以决定再帮衬，点知唔止个冷气仲冻咗，连食物水准都觉得差咗，又冇炖汤弥补心灵损失，所以可能冇下次。🍓台式鸡肉饭定食　HK$63就咁睇个价钱，系咪好抵先？嗱！论丰富度同多元度，个定食系可以嘅；但论味道就麻麻，汁唔够味，鸡肉有啲鞋同淡，个饭随住个超强冷气由好热变咗冻，唯独干葱嘅香味系惹味嘅。跟餐三配菜：茄子、青瓜、木耳，全部都几好味，好有调剂作用跟餐紫菜鱼丸汤：味道方面最正常亦最满意跟餐蜂蜜绿茶：我发现呢款饮品真系好难会输，正呀！🍓卤水猪手饭定食_升级鲁肉饭　HK$74由于喺台湾食过万峦猪手，自然对台湾嘅猪手会有啲要求，但结果呢度系令我哋失望咗，啲猪手唔够骨胶原，唔系黏口，所以就算味道系啱嘅，但口感都唔啱。最惨系个鲁肉饭，之前觉得好好味，但今次食觉得好「削」，唔吸引。🍓台式烤香肠 HK$28全餐饭最满意，就系美味嘅台式香肠，虽然有点咸😂PS 真心希望有店家嘅人睇到调高番个冷气，否则真系会好赶客吓。