影片
更多
2008-12-24
59 浏览
同个客去食完tea, 6点钟佢哋就带左我哋黎呢到食饭... 佢开头话系半岛食法国菜. 我以为好似其他酒店咁系一二楼𠮶d餐厅. 估唔到系有专用lift搭上去. 一转入餐厅.... 即刻比佢既装修吸引住. 真系好靓呀. 佢分左上下两层, 上层系比人饮野, 下层就系fine dining area. 一望就系高级地方, 连讲野大声d都惊得会失礼呀.个客话佢上次已经黎过, 所以让左个对维港既位比我坐.... 虽然话系海旁食麦当奴都可以将维港美景尽收眼底. 不过呢到系居高临下咁, 个view真系超级无敌. 一坐底即刻开左支红酒先~~~ 红酒我唔系咁识, 而且唔系餐厅既野就唔讲喇. 落order既时候我发觉佢好似无咩得拣. 典型既外国餐厅餐牌. 睇完成个餐牌之后我都系比佢个甜品吸引住. 所以虽然其他人都点左3个dishes, 我都系坚持我只需要个main course就得. 反正佢送𠮶d面包好好味呀~~~ 正宗既法国面包, 有软有硬..... 我谂我净系食面包都唔知食左几多呀!! 我虽然无order到salad同埋前菜. 不过爸爸都 "夹硬" 比左一两啖我食. 沙律确实系好新鲜~~~ 我既主菜or
个客话佢上次已经黎过, 所以让左个对维港既位比我坐.... 虽然话系海旁食麦当奴都可以将维港美景尽收眼底. 不过呢到系居高临下咁, 个view真系超级无敌.
一坐底即刻开左支红酒先~~~ 红酒我唔系咁识, 而且唔系餐厅既野就唔讲喇. 落order既时候我发觉佢好似无咩得拣. 典型既外国餐厅餐牌. 睇完成个餐牌之后我都系比佢个甜品吸引住. 所以虽然其他人都点左3个dishes, 我都系坚持我只需要个main course就得. 反正佢送𠮶d面包好好味呀~~~ 正宗既法国面包, 有软有硬..... 我谂我净系食面包都唔知食左几多呀!!
我虽然无order到salad同埋前菜. 不过爸爸都 "夹硬" 比左一两啖我食. 沙律确实系好新鲜~~~ 我既主菜order左银雪鱼. 好好味呀. 又唔会太油, 又香口. 好滑呀~~~
食完主菜, 终于都黎到dessert时间喇!! 系咁多个甜品入面拣左好耐都系拣番我最爱又最普通既blueberry cheese cake. 呢件暂时系我咁大个女食过最贵既cheese cake, 不过系食得出佢同出面十几蚊一件真系有分别. 但系同出面几十蚊一件又差唔多.
整体黎讲所有野好正宗, 包括食物同份量. 不过系街外用一个平好多既价钱都可以食到一样野. 真系黎食个环境啰~~ 尤其系我餐后去完个洗手间之后.... 个washroom既装修超级靓. 最紧要佢有一面系落地玻璃, 外面就系维多利亚港. 对住个维多利亚港补妆既时间虽然只有短短既几分钟但系𠮶种感觉胜过我坐系厅餐望住个景食左成晚饭.... 过左几个星期之后既今日我都仲记得.... 真系好正呀~~~ 虽然唔驶我埋单, 不过净系睇餐牌, 仲要加支酒我谂呢餐都唔慌平... 咁叹既野. 一世人试一次就够!
张贴