海街丼 (北角匯二期)

营业中

休息中

好少去北角 既然去到𠮶头就揾啲嘢食见近近地有间丼饭就试吓一个人最适合食呢啲套餐个蟹吞拿鱼蓉丼饭真系几好食。个碗嚟到台面已经睇到好丰富，蟹肉同吞拿鱼蓉铺满成碗饭面。两种海鲜夹埋一齐食，再加埋蟹籽同三文鱼子，鲜味十足。出边好多时啲蟹肉都冇味，但系佢呢间个蟹肉好新鲜好有味。佢个面豉汤都好好饮，前菜都好食，但系有个啫喱状嘅前菜就太浓味。份量啱啱好，我清晒一粒饭都冇剩。价钱中等，我觉得都算抵食嘅。如果钟意食日式丼饭嘅话，呢个丼饭真系值得试吓。