薈聚軒

营业中

休息中

科学园有种神奇嘅魔力。系会想令人一放假就想过去chill下。可能少人啲个气场会舒服啲。今日放假过来荟聚轩轻松坐低饮下茶。我哋系大胃王，两个人叫咗六样嘢食。避风塘茄子卖相好靓，茄子大大件，炸得非常重松脆。里面多汁柔软。通常出边食既煎酿茄子口感好唔同。食落都几特别值得一试。香煎萝卜糕萝卜糕好足料，有好香浓嘅腊味配料。煎到岩岩好金黄色脆卜卜。食落去系好足萝卜丝唔系好多粉𠮶只。赞！鲜竹牛肉球牛肉球超级大粒。一笼有三粒。牛肉底下仲有一块块腐竹。一咬落去好多汁冇腥味，牛肉亦都好香滑。好好味！蟹籽鲜虾烧卖王我自己本身好钟意食烧卖，每次都会叫。猪肉同埋肥肉嘅比例啱啱好，好多肉汁。我拎咗少少辣油点泥食。佢哋个辣椒油都好香，超级正！佛跳墙灌汤饺佛跳墙入边除咗有粒巨型饺子，入边有大粒冬菇，好软林嘅海参，鲍鱼，仲有一大块鱼肚。女仔食岩哂，啲汤好够味，成个感觉好鲜味。原只鲜虾肠粉肠粉好软滑，米香好浓。有种入口即溶嘅感觉。加埋原粒大大只既鲜虾，点一点佢地既甜酱油，成啖摆入口。只虾既厚实弹牙同埋肠粉既软绵一入口有好强烈既对比，好鬼好味！最后赞一赞佢个茶，我哋叫咗香片，茶香好浓又一啲都唔苦涩。岩哂食点心解油腻。