老長沙湘菜館

营业中

休息中

佢好似系装修过吓，楼面同大半年前有啲唔同，不过一样系咁旺。堂食外卖 一样川流不息。首先佢个餐牌真系充满特色情怀，中英繁简拼译正错偏… 一应俱全 川流百海 深度文化。唔使山长水远北上已经可以见识到呢一种风情。梗系嚟过主打酸菜鱼。呢度出手几高 用上鲈鱼 啖啖肉 肉质爽口弹牙 系新鲜货。啲骨位炸到金黄色 令到个汤底都特别惹味。佢有薯粉抵垫底，千祈唔好放过。蛋黄四季豆，偏甜啱我口味。肥漏咗啲，都系湘菜嘅特色。够镬气。铁板水晶粉。一样系油立立。不过只要将只碟晾高一边，等一阵啲油就会停晒喺碟边。都系啱我嘅偏甜口味，都系爆镬气。正！银丝卷，虽然简单，但系佢哋做得几好。银丝条条分明，咬落香口软绵绵的。