影片
更多
2014-08-17
3081 浏览
今日上影楼拣完相，妈咪话想食潮州菜！打电话订位又有位！一家七口（五大两小）准时到攞位！坐最入个细厅中圆枱！地方光猛舒服，餐具干净！食潮州菜嘅餐厅好极端，一系大酒家，一系草根小馆！自己觉得小店风味好啲但同妈咪食只想坐得舒服！叫咗：香辣咸海蜇--呢个唔记得影相，辣味唔强，细路都食到，海蜇爽口弹牙，唔错净卤水鹅片--有豆腐垫底，豆腐系百福豆腐质地，好滑但唔够挺身，夹唔起，唔似一般潮州豆腐！鹅片卤得入味，卤水唔咸但唔太重香料味，点醋食几好杏汁猪肺汤--一开七，每人都分到一小碗，味道偏甜，似饮甜汤，杏仁味好浓，但遮盖晒啲猪肺味！猪肺洗得干净，煲得淋身，但汤底太甜所以食唔出味道！一般菜片虾崧--我先净食虾崧，肉碎炒埋虾肉，炒得好湿，浆埋一团，菜片新鲜爽脆，但配虾崧一齐食就无味，因为虾崧唔够味，一加水份高嘅生菜，两者都沟淡晒！唔好味！干煎糖醋面--呢个简直失望，上枱个样都唔错，但一夹起就唔对路，软趴趴散晒，表面唔脆，似食普通面捞糖醋！味道虽然唔系差，但唔系糖醋面嘅外脆内软无晒！罗汉斋上素--斋菜种类多，蚝油汁好味，汁都唔系玻璃献，系略嫌细碟啲！鸳鸯水晶饱--呢个本来做饭后甜点，点知一上枱见只有一种莲
食潮州菜嘅餐厅好极端，一系大酒家，一系草根小馆！自己觉得小店风味好啲但同妈咪食只想坐得舒服！
叫咗：
香辣咸海蜇--呢个唔记得影相，辣味唔强，细路都食到，海蜇爽口弹牙，唔错
净卤水鹅片--有豆腐垫底，豆腐系百福豆腐质地，好滑但唔够挺身，夹唔起，唔似一般潮州豆腐！鹅片卤得入味，卤水唔咸但唔太重香料味，点醋食几好
杏汁猪肺汤--一开七，每人都分到一小碗，味道偏甜，似饮甜汤，杏仁味好浓，但遮盖晒啲猪肺味！猪肺洗得干净，煲得淋身，但汤底太甜所以食唔出味道！一般
菜片虾崧--我先净食虾崧，肉碎炒埋虾肉，炒得好湿，浆埋一团，菜片新鲜爽脆，但配虾崧一齐食就无味，因为虾崧唔够味，一加水份高嘅生菜，两者都沟淡晒！唔好味！
干煎糖醋面--呢个简直失望，上枱个样都唔错，但一夹起就唔对路，软趴趴散晒，表面唔脆，似食普通面捞糖醋！味道虽然唔系差，但唔系糖醋面嘅外脆内软无晒！
罗汉斋上素--斋菜种类多，蚝油汁好味，汁都唔系玻璃献，系略嫌细碟啲！
鸳鸯水晶饱--呢个本来做饭后甜点，点知一上枱见只有一种莲蓉味，无咗奶黄味，而且碟底仲有一大滩水（系可以倾倒出来咁多）完全接受唔到！叫个女侍应问点解得一只味，佢无去了解顺口就答我：「应该买晒，所以得呢只味！」，我话：「咁你哋无都要同我讲一声架⋯⋯」我都未讲完（仲有滩水嘅问题），个女侍应已经闸住我：「咁而家你即系要唔要？」（好掘嘅语气）我即刻著火：「我而家唔要」，佢即刻拎返去厨房，餐厅最后取消，如果我知得一只味都照落单，当然无问题，选择权在我手，唔系你餐厅决定我要唔要，但个女侍应嘅态度令我一肚气！未计之前同一个女侍应问都无问就收走碟海蜇（虽然只剩低啲碎，但问题系无问过个客人，好无礼貌）
我埋单嘅时候，有向个经理表达个女侍应问题，唔系要搅佢，反而系唔想佢搅到其他食客，我九百几蚊同屋企人食餐饭唔系为受气，我特登比钱时讲系唔想餐厅以为我想𢱑著数！系想表达番不满！经理都即时好抱歉，好有礼同我们讲唔好意思，我亦同佢讲番其他侍应服务正常，（服务𠮶一分系比其他侍应嘅）系特别那位女侍应令人失望！食物可能偶尔失手，但咁嘅级数酒家唔应该有呢种服务！
餐厅参加咗亚洲万里通奖赏计划，食$8有5 asiamiles，我用AE卡又有里数赚，经理都好有心机帮我搅（因为要填表）但我唔会因为有优惠而去某餐厅！最紧要食物好味道！
张贴
