糖心軒

营业中

休息中

食物几好都冇用，简直不吐不快😡希望糖心轩老板睇到呢篇食评，认真处理一下佢哋员工嘅服务态度话说一向门口有个矮嘅经理，之前态度非常恶劣，但系后尾有进步所以值得加分。👍🏻但系点知一波未平一波又起，轮到个高又大只短发女经理，态度恶劣眼超超，讲嘢粗声粗气。就算系个半钟头食饭时间到，都唔该你对啲客好声好气叫佢埋单，而唔系大大声声叫＂你哋食完饭未，食完想上埋糖水俾你，唔该埋单！＂。态度恶劣，令人哗然 ！🙄之后仲衰，直程攞张单埋嚟叫你埋单，但系大家仲食紧嘢，兼且都未够钟，我直头嬲到想埋佢单！🙄希望糖心轩老板正视依家奥运分行嘅职员服务态度问题。个男经理又系缩缩骨骨。反而其他勤力嘅服务员，大部分都非常好，对客殷勤，又帮忙，态度又友善，明点解佢哋反而系低级，越高级𠮶啲就越讨厌。