baby café (已結業)

今日系公众假期前夕，无订位食饭度度都要等，得Baby Cafe唔驶点等于是决定食呢间。好耐以前记得食过ISquare𠮶间嘢食ok的，太耐冇食发觉menu唔同左d嘢食好似好吸引，样样都想试！于是我地两个女仔叫左酥皮周打海鲜汤丶酥皮龙虾汤丶忌廉白酒煮青口丶炸鱼薯条丶海鲜意大利饭同忌廉芝士西兰花。首先来左白酒忌廉煮青口，食左一只青口我问朋友觉唔觉冇味，我朋友都话冇味，连青口本身有的鲜味或腥味都冇，好似牛奶煮青口咁（2/10）跟著系酥皮龙虾汤，个酥皮扁挞挞同menu张相差好远吖，d龙虾汤饮左一啖就冇饮了，稀得嚟完全冇龙虾味，汤入面仲揾到有几粒唔新鲜的虾肉（2/10）我朋友个酥皮周打海鲜汤都系飮左一啖就唔饮。炸鱼薯条味道正常，无乜特别（7/10）。忌廉芝士焗西兰花冇忌廉（5/10）海鲜意大利饭d海鲜好唔新鲜吖，d饭仲有沙（蚬入面d沙）（4/10）本来想食埋甜品，但d嘢食质素实在太差唔敢再叫，我怀疑个厨师根本唔识煮嘢食的！