101手工涮涮鍋 (已結業)

见到几本饮食杂志都有推介呢间野嘅任食火锅，今日特登黎试下。综括黎讲食物嘅质素几好，同价钱相符。配料款式多且够特别，但系有部份无想像中咁好食。餐厅环境干净，装修有少少似酒吧，灯光比较暗，不过都坐得几舒服。今次我试嘅系店舖推介嘅极上吃到饱套餐，汤底拣左台湾红烧牛肉涮涮锅。牛腩份量够多，而且软嫩入味，食落仲有微微嘅辣。蔬菜吸左汤底嘅精华，非常滋味。呢个系套餐包埋嘅西班牙伊比利亚玫瑰猪颈肉，厚薄刚刚好，脂肪同肉嘅比例适中，肉味十足。同样都系套餐内嘅海鲜拼盘，种类繁多，有海虾、鲜鱼片、蚝、蚬等等，每样都非常新鲜，食得出唔系一般货色。再黎嘅系特选手工火锅拼盘，一共9款。值得一赞赏嘅系黑松露蟹肉饺同黑松露芝士豚肉饺，呢两样饺嘅共通点都系黑松露味好出，一咬落口即刻感觉到香浓嘅黑松露。至于墨鱼汁鸟结糖，算系店舖其中一样特色产品，但偏偏令人感到失望。呢款墨鱼滑口感平平无奇且单一，佢嘅制作过程有加入其他材料，但系完全食唔出。至于三重芝士系列嘅三款丸，芝士味道唔突出而又令丸嘅味道变得偏咸，令人感到失望。呢个火锅拼盘广被人推荐，虽然佢嘅配料真系几特别，但系我就觉得非常一般，下次都系散叫比较好。呢杯系盆栽香芋珍珠