小茶屋 (已結業)

去开旺角一定要顺便过黎拜访一下，呢间个杯都靓过人既人气日式茶饮店，净系个卖相已经够吸引够晒 igable，其实今次系我第2次黎，话说上一次黎店员同我讲佢地好靓个杯暂时冇晒货，只可以用番普通茶饮店果只杯装，执著的我当时好失望既我系冇买到既，话晒我都系比个杯吸引左黎架嘛，所以专登要等有个靓杯时先再黎买，而今次如我所愿72% 纯生朱古力奶  $36呢杯朱古力奶系佢地自己真系用72% 既生朱古力去溶完煮出黎既，唔系用普通朱古力定可可粉去冲，成杯朱古力奶系超级浓厚，岩岩冲好既时候D朱古力浆系会沈晒系底部位置，饮之前一定要大力摇匀佢先，唔系既话开左盖就番唔到转头，要用人手自己搞，因为个樽就系好似汽水罐咁，啪开左就闩唔番架喇 浓厚既72% 生朱古力浆同D牛奶撞匀左一齐之后好好饮，又够冻，杯朱古力奶非常香滑，朱古力味浓郁之余亦因为佢用既系72%浓度，完全唔怕会过甜，仲有少少回甘既味道，加上一杯都真系好大罐，饮完之后好饱，呢个价钱咁高质既朱古力奶黎讲，真系极之抵饮，下次经过一定会再买。