綠林甜品 (已結業)

同朋友系铜锣湾食完饭行完街谂住去揾甜品食，经过鹅颈桥时有人派左张八折优惠券比我，见佢有折，我又未试过衣间，就走左去试，我地叫左乌豆桑寄生莲子蛋茶同炖鲜奶，估唔到又几好味啵。我试左个朋友个炖鲜奶，好滑好浓奶味，正。(唔记得价钱)我就食乌豆桑寄生莲子蛋茶($37)，一来桑寄生对女人好，二来平时出面糖水舖都唔落乌豆架，衣间特登加埋乌豆落去，希望食完佢连白头发都少啲啦🤣。食落唔会好甜，我觉得桑寄生都几浓，我果碗啲莲子同乌豆都好多，好足料 ! 食完好满足，由于太好味，我同个朋友都各自叫多个外卖乌桑寄生莲子蛋茶同腰果露少甜返去比屋企人食添。