好叉好味 (禧利街)

营业中

休息中

📍好叉好味上环禧利街14号地舖话说呢间都算系上环赫赫有名嘅外卖店，但我喺上环返咗成年工都系第一次食。因为见同事食过都话份量好多，所以今次系一个饭两份share~WOW焦蜜双拼菜饭 $56（Openrice外卖自取价）我觉得个饭唔够热，所以用微波炉加热过，点知叮完只太阳蛋就变咗半熟。但只蛋都仲系好好食，个边系煎到脆脆哋，好正～其实我觉得佢似餐蛋饭，精粹系喺太阳蛋、汁、同啲饭度，呢几样野真系好出色。好叉好味个「叉」应该系叉烧汁个叉～甜甜哋，好𩠌饭。反而啲叉烧同烧鸡就冇咩特别，唔似叉烧专门店嘅出品，只能讲唔柴。Overall嚟讲，都会再帮衬，毕竟$56可以两份share～抵食！