帝苑軒

营业中

休息中

帝苑轩啲中菜真系无得输，特别系个汤真系好浓味好足料。我哋饮咗椰子炖乌丝鸡，啖啖汤都系精华好入味。一个炖汤嘅份量足够一围12人每人饮两碗，饮完大满足，净系啲料都可以做一个𩠌。另外一个特别推介就系生炒骨，外脆内软，甜酸温和得啱啱好真系好好味。炸蟹盖又炸到趣bob bob, 一啲都唔油腻一次过食两个都唔会觉得过份。乳猪啲皮好趣新鲜，烧起热辣辣谂起都仲返寻味记得食埋佢个甜品蝴蝶酥，系最出名嘅，好香脆食极都食唔停口。不过服务就一般，有时啲侍应完全唔似喺酒店做，似系喺街坊酒楼做开咁，一啲都唔识做，上菜位上错晒呢个系失望点。