Oasis Bar & Grill (已結業)

首先呢餐系生日饭，而且所有嘢系4个女仔嘅分量，真系眼阔肚窄，越点越多，最后系食唔晒首先讲一讲个环境啦，个环境好靓，有鸟笼咁，好清新，好适合影相，港女气息(褒义词)然后有惊喜嘅食物系 1.流心打啡菇，呢个系落错单但系意外惊喜嘅食物之一，原本系点大啡菇主食，点知原来仲有另外一个大啡菇个前菜我地冇讲清楚就上左呢个前菜，然后都几惊喜，好juicy，我系一个唔食生嘢嘅人，包括蛋，但系呢个咁样食我可以接受，不错2.猪腩西瓜三文治，呢个都好有惊喜，原本我觉得好奇怪，西瓜配肉食，但系冇谂过真系好惊喜，有d fresh之余肉味好浓烈，搭配得真系好好，一定要点3.芒果蟹肉牛油果塔，呢个意外好食，一黎蟹肉好新鲜，鲜肉芒果唔酸，甜甜嘅感觉搭配蟹肉个口感好特别，一定一定要一啖面头食到底，唔好分层食，因为分层反而冇咁好食，呢个都系必点！！最后觉得一般般嘅系牛扒同埋意粉，真系好一般，尤其个海蚬意粉，真系我地每人食左一啖就冇食，以为真系淡某某冇味，非常普通，可以唔好叫。最后总结，必点系猪腩西瓜三文治，芒果蟹肉牛油果同埋大啡菇，其他可以自己选择。