陳根記 (已搬遷) 新店位置

黎呢度，系食气氛同怀旧。食物既质素都好飘忽，不过多数都好咸。头抽鸡系算唔错，鸡嫩滑唔会太老，个豉油既甜度同咸度岩岩好；不过真系手快有手慢无，唔系成日叫到。呢个腐乳通菜系超爆咸，你知通菜几咁索汁，一放入口，四方八面既汁涌出黎，极度刺激味蕾；想食既朋友可以浸一浸茶黎食。椒盐鲜鱿就系咁，外皮咁浅色，其实系炸得唔够透啦。鱿鱼有少少湿，如果再炸下会爽口好多。呢个系最正路既，鱼片同豆腐都多，味道唔算咸，呢个可以饮多几碗呀。听讲佢会系大埔墟开分店，不过都希望佢地可以原永续啦。