番茄18 (觀塘工業中心第四期)

营业中

休息中

今日2个人黎左呢度食饭，一入到去已经好钟意呢度既装修，完全系80年代既风格，连佢地板个䃈砖，exactly系细个时婆婆屋企个䃈砖，真系倍感亲切!!我地2个女仔，一人叫左个米线，谂住佢都系一碗米线je，不如叫多个小食，点知碗米线俾我想像中大。我叫左个花胶鸡汤米线，碗米线有好多鸡、好多菜同仲有一块又大又厚既花胶。佢一黎到我就试左啖汤先，哗，好好饮呀个汤，好浓既鸡汤味。原本以为系得一块花胶，食食下发现原来有2块，都系咁大块，好似揾到宝咁劲开心。最后我系成碗米线食哂连汤都饮埋 朋友就叫左个蕃茄汤米线餐，佢系跟埋炒蛋既，再加个大汗鸡扒。一上个米线我地又系试个汤咩味，招牌果然系招牌，蕃茄味好浓，个汤唔系稀架，而且入面仲有一粒粒既新鲜蕃茄，感觉好健康，而个炒蛋都好味。不过真系要讲下块鸡扒，佢系大块既，但唔系超级大，不过真系好厚!我切开睇，入面啲鸡油仲滴紧出黎，juicy到呢~ 佢个皮好脆，但肉好滑。我以为会超级辣，但又唔系，而且辣得黎好香。至于个瑞士鸡翼，瑞士汁好浓，好味。我地上哂啲野先发现原来我地叫既全部都系鸡LOL。好在我同朋友最后都食得哂无嘥野，不过我地走𠮶阵都一路行一路嗌好饱。