大阪王將 (已結業)

行aeon行到晚饭时间，路过呢间，以前食过，但应该都有五六年无食过，所以想再试下。荃湾呢间铺面比较细，但七点几都仲有位，唔驶等。打开个餐牌，其实食物种类唔多，都系饭、拉面同饺子。我就拣左个元祖天津蛋咖哩猪排饭，朋友拣左个炸猪排拉面，配个饺子饮品set。落单等左阵，好快就黎左个饺子，算煎得唔太㶶，配上酱油刚刚好。之后上嘅系个饭，饭同汁系分开上，好似食铁板咁。我最欣赏个蛋，好有口感，好丰厚，食完好有饱肚感。最后黎嘅拉面，就不过不失，朋友话一般。