D. H. Crab (已結業)

呢间系我亲戚楼下既舖已经留意左好耐，朋友入黎试我当然仆住去，咁近我。好多人都话咩东京乜乜味道，我未去过食所以唔知啦，净系记得个鬼佬话每日去西贡入货，材料食落真系好新鲜。我主要食左个皇帝蟹包，用上左阿拉斯加果种，海水天然既咸味同鲜味并非急冻货可以媲美。而且面包焗得外脆内软，最紧要系份量慷慨而个包外脆内软，用心既地方就系包内包外都有用上牛油去烘焗，所以有crispy既口感系度龙虾包同样都好多肉！用左香草、柠檬汁以及海盐调味，朋友钟意龙虾所以比佢地食呢个啦，我食左几啖都系钟意食新鲜蟹独有既咸味多ｄ～呢度仲有汤可以饮，不过当日饮到既就偏咸，但就明显饮到海鲜既味，用咁多海鲜拆肉唔拎落去煲汤咪浪费哂如果调味轻番小小等我地自己落盐调教味道就更好了，因为我倾向饮到海鲜原味多过西式加base果种喧宾夺主味道(即系牛肉汤)。同场仲有个牛肉包，可能受太多海鲜冲击，变相觉得呢个味道相对唔突出。除左牛肉嫩之外，我谂唔到一个优点。个人觉得洋葱多ｄ会比较好，同埋个汁我真系唔知点样配合到个包。