豐鍋雞煲 (荔枝角道) (已結業)

冬天嚟到，冻冻地最好梗系食打边炉啦！今日我哋就嚟咗食一个火锅鸡煲。我哋首先拣咗招牌麻辣鸡煲，佢系有得拣大中细辣嘅，我哋拣咗小辣，但系觉得有啲唔系好够辣，虽然系见到辣椒，但食落又唔够辣。但个鸡煲呢系好香嘅，味道好浓郁！食鸡煲有咁浓味嘅嘢一定要饮野饮嘅！我哋就嗌咗两杯特饮，一杯呢系个玫瑰柚子，就清啲~另一杯呢就系蓝蝶雪梨就甜啲，佢份量啱啱好跟住就开始食完啲鸡加汤打边炉，其中我哋嗌咗一个细嘅顶级雪花肥牛，虽然佢系平过安格斯肥牛，但系非常好食佢话肥牛，但你睇到呢都唔系好肥𠮶种嚟嘅，而且系好有肉味𠮶种，非常正，大推另外睇食评见到好多人都有嗌呢一个紫菜芝士响铃，所以我哋都嗌咗，我哋发现放落去汤度食好似好食啲㖞！因为呢汤够热，令d芝士溶溶地咁，都几好食。我哋仲叫咗一个鸭血，所以最后太多嘢食呢就食唔晒。中途我细声讲应该要辣啲先至食鸭血，会match啲，𠮶个waiter旁听到我讲仲即刻话可以帮我加辣，所以服务都唔错！