常滿雞煲火鍋專門店 (已結業)

由于last time有个麻麻回忆,不过又想食佢地滋味鸡煲.见个几月无食过就决定俾多次机会try again.好彩今次上菜速度明显有改善,算你啦!我同Jerry要佐滋味鸡煲,雪花牛粒、木耳猪肉丸、象蛂旁仔、粉丝、响铃卷各一碟,仲有只鲜鸡蛋系俾我自己!!正所谓各处乡村各处例,本人食野偏爱味道浓啲,所以中意食干鸡多过湿.呢度啲煲就刚好合晒我要求.汁令到啲鸡上晒色,又入味,好味啊!鸡肉仲好滑添,汁既味道偏甜少少.木木耳猪肉丸好爽口,因为有条条木耳丝系度,猪肉亦都唔鞋,ok.象蛂旁仔几新鲜,keep到鲜味,入口一咬就断.响铃卷一黎就闻到一阵油味,见个碟有张吸油纸,我先知原来呢间既响铃卷系自己炸!我buy呢个!个质地系脆唔会似盒装个只咁硬,渌左食都仲系脆脆地坚香口,仲要唔油呢下紧要嘛!!!粉丝同蛋系我至爱,张粉丝滚左阵之后,再夹番落我放左生鸡蛋个碗度食,只味道好特别,热既粉丝会痴左啲啲鸡蛋花,香得黎又滑嘟嘟,好味!!!