影片
更多
2024-12-06
0 浏览
经过几次门口，望过吓Menu都想试吓，今晚终于就嚟堂食，结果系极度失望，成肚火。入席时餐厅唔多人，只有一张枱有人坐，我地亦好快落单，叫咗猪软骨拉面同鳗鱼炒饭。 结果！！！！等咗廿分钟有多，猪软骨拉面先出！而鳗鱼炒饭系足足等咗一个钟！有冇搞错！？中途催过，楼面哥哥话个饭炒紧，结果再等多成廿分钟先出餐，其实炒个饭有咩可能炒咁耐？？极度浪费客人嘅时间！ 最神奇嘅系，两样食物都唔热，只系暖，大概摄氏50几度，乜唔系啱啱煮起架咩？点解可以唔热？？至于食物质素，平心而论啲猪软骨系ok，入味而且够软，不过拉面同汤底都一般，汤底有即食面配料嘅味。而个鳗鱼炒饭，饭系林嘅，睇相都睇得出，味道只有日式酱油、麻油味，可以话系一啲镬气都冇，完全唔值$138。结论系厨房工作混乱，出餐极慢，食物性价比低，同区人表示唔会再帮衬。
入席时餐厅唔多人，只有一张枱有人坐，我地亦好快落单，叫咗猪软骨拉面同鳗鱼炒饭。
结果！！！！等咗廿分钟有多，猪软骨拉面先出！而鳗鱼炒饭系足足等咗一个钟！有冇搞错！？中途催过，楼面哥哥话个饭炒紧，结果再等多成廿分钟先出餐，其实炒个饭有咩可能炒咁耐？？极度浪费客人嘅时间！
最神奇嘅系，两样食物都唔热，只系暖，大概摄氏50几度，乜唔系啱啱煮起架咩？点解可以唔热？？
至于食物质素，平心而论啲猪软骨系ok，入味而且够软，不过拉面同汤底都一般，汤底有即食面配料嘅味。
而个鳗鱼炒饭，饭系林嘅，睇相都睇得出，味道只有日式酱油、麻油味，可以话系一啲镬气都冇，完全唔值$138。
结论系厨房工作混乱，出餐极慢，食物性价比低，同区人表示唔会再帮衬。
$88
0 浏览
0 赞好
0 留言
张贴
