香港燒味 (已結業)

呢间嘢大大话话食咗五六十次，基乎每一次食都系叫暗然销魂饭。呢个黯然销魂饭，其实就系叉烧太阳蛋饭。系香港人都知点解会叫暗然销魂饭，事关系同周星驰𠮶套神有关。所以，我觉得呢间嘢个老细都算几盏鬼，几有创意。啲叉烧唔会太甜，猪肉软绵绵，烧得好靓。个太阳蛋超级正，啲边脆卜卜，个蛋黄暖笠笠，而且仲系流心。师傅会喺个饭上面淋一壳甜豉油。返埋位之后，就将所有嘢捞埋一齐食。真系超级好味，每一次都觉得唔系好够食。𠮶种好食程度系可以食三碗饭𠮶种。