漁舍酸菜魚 (已結業)

朋友约食中秋饭，就返身处北角，网上揾到呢间餐厅，就决定一试。公众假期晚上要等位，大约等咗半个钟就入得，谁知只系中伏第一步。5个人坐4人枱，体谅、明白，算。落单时间系20:05，总共有1盘烤鱼、5杯特饮、4份小食等咗大约20分钟，出咗2杯特饮，加上1份冇蒜泥嘅蒜泥白肉，同一份未熟、热、辣同鸡味完全分开嘅口水鸡。已经心知不妙，但求2百几蚊嘅烤鱼，正常过关就算20:40，枱面未有任何动静，仍争紧3杯特饮、2份小食、1份烤鱼。身边其他食客比我哋迟入座，盘鱼已经上咗枱。20:50，唔知第几多次嘅催单，特饮到齐。$28嘅价钱，贵唔贵见仁见智，但肯定可以有其他更好嘅选择。20:55，盘鱼终于上钓，质素一个字: 劣！以为慢功可以出细货，实际上系未食过卖呢个价钱，但汤、鱼、料比谭仔三哥仲要差嘅出品质素。止蚀，叫停咗未出嘅2碟小食，所以冇任何评语。埋单$620，贴钱买难受！知道网上世界嘅力量，呢类真实食评系容易被淹没，希望有缘睇到呢段字嘅你，可以临崖勒马，回头是岸。