長發麵家 (已搬遷) 新店位置

上次去對面時，見到呢度有好大兜牛筋。入得咁多貨，自然係多人食啦。所以，都未坐底就叫「牛筋麵」。睇住伙頭一應完，取舊麵，碌幾碌，拋兩下個網，咁就搞掂，放入碗。淋上牛筋、上湯。一碗彈牙靚麵就送上我面前。檯面上仲有麵檔雙寶：辣椒醬同辣油。辣醬呢樣野，家陣好多人都唔用，難得呢個麵檔仲有。牛筋牛腩，其實點辣醬食係好過辣油既。因為辣醬除辣外，仲有一點甜味，正好豐富左牛筋腩。而牛筋，果然有料到，炆到好淋好淋。入口即溶。雖然天氣微熱，又無冷氣，但都值得幫趁。低食價麵由$15起，油菜$10。