Cafe Paradise (杏花邨) (已結業)

咁岩要黎杏花村工作，否则都好少会踏足呢个地方。由于唔熟路既关系，都系决定系杏花新城解决我既晚餐。商场内食肆都几多，最后比呢间餐厅既装修吸引左入黎。竟然系一个餐厅见到旋转木马，又唔系系主题乐园。餐厅内仲有好多不同既公仔，睇得出店主落左好多心思去装修同布置。Menu选择都几多，最后为左容易d拣就拣左个set。美式BBQ猪排骨 猪排骨好大条，几乎同我既手臂一样。望落色水唔错， 切落发现其实肉比想象中小，但都饱既。旁边有个酱汁，不过我就唔推荐点，因为原本旧猪排骨已经好够味。 蟹籽蟹棒忌廉意大利墨汁宽条面 宽条面上面铺满蟹籽，一d都唔吝啬，捞完都仲见到粒粒既蟹籽系每条面上。面条食落都ok，但如果可以硬少少就更好。朱古力慕丝套餐仲父送左个甜品，好似每日都唔同，今日系朱古力慕丝，味道还可，略嫌少少硬。总括而言，呢度好适合有小朋友既家庭或者朋友黎，环境不错，食物都ok既。