影片
更多
2015-07-20
3381 浏览
小弟上法式高级餐厅嘅经验廖廖可数，因为真喺唔太习惯太高级嘅气氛，但依家有唔少做法国菜嘅小店，唔单只贯彻用优质嘅食材去烹调，亦会维持一个富气氛嘅用餐环境，却又唔会令人太拘束。最近，就同亲友拜访过位于天后楼上法国餐厅「à la umai」。餐厅位处隐蔽商厦顶楼，对著维港景致嘅一边全都喺落地大玻璃，可谓坐拥广阔嘅维港景色，可惜是晚全场爆满，咁唔好彩被安排最入嘅二人枱，可讲喺乜景都无，只有远少少隔离几座天后楼景，未能饱览一下璀璨维港夜景。餐厅嘅整体环境，虽然座位不多，但晌灯光配合下，加上枱上精致嘅餐具及别致嘅小摆设，仍不失情调。一个法国嘅名字，真喺误以主打法国菜，当翻开餐牌细阅，既有刺身，又有冻海鲜，此外，散叫餐点中由前菜、汤、主菜都不拘于一国，就似有一份借题发挥嘅感觉。散叫固然随心所欲，但晚市套餐则相对点都喺划算啲，5道菜晚餐（前菜、头盘、汤、招牌菜、是日甜品 / 啡茶），定价非常进取，由$468-498 + 10%，所以，一对情侣嚟食番餐就已经成千银落楼。究竟抵唔抵食，就要视乎番食物嘅质素。香草包两个微暖嘅香草包，绝对以一餐高级晚餐而言唔合格，单喺卖相已颇为港式，单一嘅香草包亦令个面包篮缺
餐厅位处隐蔽商厦顶楼，对著维港景致嘅一边全都喺落地大玻璃，可谓坐拥广阔嘅维港景色，可惜是晚全场爆满，咁唔好彩被安排最入嘅二人枱，可讲喺乜景都无，只有远少少隔离几座天后楼景，未能饱览一下璀璨维港夜景。餐厅嘅整体环境，虽然座位不多，但晌灯光配合下，加上枱上精致嘅餐具及别致嘅小摆设，仍不失情调。
一个法国嘅名字，真喺误以主打法国菜，当翻开餐牌细阅，既有刺身，又有冻海鲜，此外，散叫餐点中由前菜、汤、主菜都不拘于一国，就似有一份借题发挥嘅感觉。
散叫固然随心所欲，但晚市套餐则相对点都喺划算啲，5道菜晚餐（前菜、头盘、汤、招牌菜、是日甜品 / 啡茶），定价非常进取，由$468-498 + 10%，所以，一对情侣嚟食番餐就已经成千银落楼。究竟抵唔抵食，就要视乎番食物嘅质素。
香草包两个微暖嘅香草包，绝对以一餐高级晚餐而言唔合格，单喺卖相已颇为港式，单一嘅香草包亦令个面包篮缺乏个性，有一种可有可无嘅感觉。还好嘅喺，小圆包入口软熟，有微微香草味。
香草包
27 浏览
0 赞好
0 留言
前菜嘅卖点就喺18个月熟成嘅黑毛猪风干火腿，果然，单食一片风干火腿，咸香油润；再卷起哈蜜瓜一齐放入口，化学反应自然微妙，咸与甜互相穿插，底下嘅油醋沙律菜，顿时都只喺变得其次！
18个月黑毛猪风干火腿伴哈蜜瓜
25 浏览
0 赞好
0 留言
前菜之后，仲有多一道头盘，喺乜嘢嚟就要食到先知。个头盘卖相非常立体、精致，原来喺阿拉斯加蟹脚牛油果他他，入口充满海洋味，既咸鲜，又清爽，点缀用嘅芒果酱及黑醋，有画龙点晴之效。
阿拉斯加蟹脚牛油果他他
40 浏览
0 赞好
0 留言
鲜蟹肉龙虾忌廉汤两款汤嘅颜色都近乎一样，就连汤面画花都一样（既然喺以高级为卖点，画花依啲嘢其实可以好多变，画上唔同图案喺一项附加增值，肯定令人感觉不一样），只喺龙虾忌廉汤稍稍深色少少，不过，送到枱上，因为虾香扑鼻，所以，仍然轻易分得出两者。汤嘅质感非常顺滑，虾味超浓鲜，吞下一口仍感觉到龙虾鲜味晌口腔滚动，余韵长，而且，真喺有唔少鲜蟹肉，绝对喺加分位。
鲜蟹肉龙虾忌廉汤
35 浏览
0 赞好
0 留言
姜汁南瓜忌廉汤南瓜忌廉汤饮唔少，加入姜汁肯定喺首次。同样，质感滑溜细致，南瓜味非常突出，带有少少姜味，感觉几特别。两款餐汤，晌味道同质感上，都可以话喺无可挑剔。
姜汁南瓜忌廉汤
35 浏览
0 赞好
0 留言
烤西班牙雪花黑毛猪配苹果醋汁 $468（套餐价）先慢煮，再煎烤，喺近年常见处理肉类嘅烹调手法，既保肉汁，又香脆可口。因为成品煮好晒，难以睇到「雪花」嘅分布，不过，入口嘅软腍度，亦感受得到佢嘅质素，再者，猪肉味的确较浓郁。虽然卖相较普通，配菜亦只喺一般嘅椰菜花、西兰花、翠玉瓜、菇菌之类，但胜在叫多样化，配上个苹果醋汁，酸香去腻。
烤西班牙雪花黑毛猪配苹果醋汁
29 浏览
0 赞好
0 留言
烤澳洲顶级超嫩羊架配法式芥末籽忌廉汁 $498（套餐价）羊架只有两枝，但呎码都属于大条，不过，大食啲嘅男士够唔够就有点疑问。我哋要咗五乘，切开羊架肉，单睇色泽，娇红粉嫩，附合我哋嘅预期，同埋烧得一身焦香，实在吸引。入口羊膻味唔太重，应该大部份人都接受到，而且，口感软腍，又富肉汁，蘸一点法式芥末籽忌廉汁，确喺唔错。
烤澳洲顶级超嫩羊架配法式芥末籽忌廉汁
36 浏览
0 赞好
0 留言
以一顿高级嘅餐饮而言，平均消费$500，但较估唔到喺餐饮跟甜品要生死一决，有你无我，喺依个细节上略嫌店家未够大方。再者，问过店员，餐饮方便，鲜奶咖啡、意式泡沫咖啡之类并无提供，只有一般咖茶、柠水。所以，上算应该就喺拣甜品。
意式奶冻配巨蜂提子酱甜品作为一顿饭嘅尾声，做得好可以会喺成为完美嘅作结。不过，小弟真喺对依道甜品少少失望，虽然食落奶冻挺身而柔软，富奶香，但唔见混有云呢嗱籽，缺少一点香味，或许喺因为打算混和巨蜂提子酱同食嘅关系。其实享用期间真喺有啲见笑，话说个甜品送到嚟，店员无讲明个甜品喺乜，所以，初头真喺以为分开食，再者，咁嘅卖相会唔会好粗疏？好港式西餐格调呢？
意式奶冻配巨蜂提子酱
42 浏览
0 赞好
0 留言
张贴
