影片
更多
2019-07-03
4099 浏览
讲开英国菜，就谂起炸鱼薯条、英式全日早餐、英式下午茶、肉批……，当然，实际就应该唔止咁少啦。最近，同几位朋友嚟到铜锣湾主打英国菜嘅「The Leah」，见识唔少出色嘅菜式，都喺非常有心思嘅，让我哋都重新认识一下英国菜。经电梯上到餐厅门前，先入眼帘喺大片人造草地，仲有好多儿童玩意，事后先知，原来日间呢度喺一所英式私人家庭会所，主要都喺俾啲会员进行各式各样的亲子活动，放吓电咁。而一到晚上，就摇身一变为传统英式酒吧餐厅「The Leah」，餐厅分为室外与室内，其实，室外位设晌出面人造草地上，四周都摆放好多植物，犹如铜锣湾区一片小绿洲，让客人放松身心，尽情享受写意嘅环境，不过，近排天气平均都有30℃以上，又不时有骤雨，大家都要乖乖坐返晌室内。至于室内，其实都一样好舒服，皆因贯彻整体嘅布局，里面都挂有非常之多嘅盆栽，颇有温室之感，加上枱櫈排得宽敞，毫无压迫感，配以柔和嘅灯光，同样叫人悠闲自在。既然定位为酒吧餐厅，饮品方面选择十分多，尤其酒精类，相信喜欢饮酒嘅朋友唔会失望。而经侍应嘅介绍，无论酒精还是非酒精类，都甚具创意，配搭有心思。不过，我哋一众对酒嘅饮品兴趣唔大，但非酒类都仲有大把特色选择。E
经电梯上到餐厅门前，先入眼帘喺大片人造草地，仲有好多儿童玩意，事后先知，原来日间呢度喺一所英式私人家庭会所，主要都喺俾啲会员进行各式各样的亲子活动，放吓电咁。
而一到晚上，就摇身一变为传统英式酒吧餐厅「The Leah」，餐厅分为室外与室内，其实，室外位设晌出面人造草地上，四周都摆放好多植物，犹如铜锣湾区一片小绿洲，让客人放松身心，尽情享受写意嘅环境，不过，近排天气平均都有30℃以上，又不时有骤雨，大家都要乖乖坐返晌室内。
至于室内，其实都一样好舒服，皆因贯彻整体嘅布局，里面都挂有非常之多嘅盆栽，颇有温室之感，加上枱櫈排得宽敞，毫无压迫感，配以柔和嘅灯光，同样叫人悠闲自在。
既然定位为酒吧餐厅，饮品方面选择十分多，尤其酒精类，相信喜欢饮酒嘅朋友唔会失望。而经侍应嘅介绍，无论酒精还是非酒精类，都甚具创意，配搭有心思。不过，我哋一众对酒嘅饮品兴趣唔大，但非酒类都仲有大把特色选择。
Earl Grey & Oriental Spice Iced Tea $65佢哋有好多特色嘅冻冰茶，点特色呢？一来味道嘅配搭比较特别，二来喺可以选择加入酒精成份，当然，友人就拣咗无酒精版本啦。伯爵茶嘅味道唔多讲，相信好多人都知道，但呢杯加入嘅东方香料，小弟试咗一口，感觉似喺啲孜然味，几得意。
Apple & Elderflower Lemonade $65Lime & Lemongrass Lemonade $65
由于好几道茶都选上浓味嘅菜式，所以，小弟就拣来清爽嘅柠檬特饮作中和，后者青柠香茅柠檬梳打确喺几得，香茅味突出，入口酸香凉快，仲非常解暑，更衬晒今晚啲菜式。
讲到食物方面，一纸睇晒，务求贵精不贵多，以Sea、Land、Leah分作为3大类，再配上两款需预订嘅招牌菜，以及伴菜同甜品，就成为整个主餐牌嘅内容。睇见啲菜式，主要都喺走向平实嘅路线，但配搭上都花咗一定嘅心思。
Scotch Egg & Soldiers $98晌三心两意之间，呢一款流心蛋喺店家推介嘅前菜菜式，以多种食材，如烟肉、洋葱粒、面包糠包住鸭蛋炸至流心效果，再伴以酸种面包条。睇见个蛋黄好流心，以面包条沾上蛋黄浆，绵香好食；再食个蛋身，外层非常酥脆香口，里面咸香滋味。再饮喺柠檬特饮，坚喺爽爆。
Scallop & Black Pudding $228卖相犹如小丛林般，非常别致有趣，而带子采用日本北海道货色，香煎后十分弹牙而带点焦脆，又够晒厚身、鲜甜；而黑布甸喺乜，小弟都唔喺好答得上，食落就觉得好似炸香咗嘅面包布甸，夹埋啲韮葱一齐食，前者咸香，后者清爽，感觉几特别。
Beef Pie $188呢度嘅肉批喺店家嘅推介菜式，共有两款牛味：鸡肉及牛肉，相信以后者较惹味吸引。肉批焗得金黄诱人，切开时仲热气腾腾，批内填满牛肉，睇见餐牌写住喺牛肋肉，怪不之得啲肉又腍又富肉香，肉汁丰盈，还带点黑椒嘅香气，层酥皮又香口。
Beef Wellington $788（需预订）威灵顿牛柳工序多，火喉又要拿捏得好，实在唔易做，所以，坊间都唔喺好多餐厅都有卖呢度菜式。既然The Leah有提供，仲喺需预订嘅亮点菜式，更惹人期待啰！
虽然卖近八百蚊一客，但份量足以4-5人享用，侍应会先将焗好嘅威灵顿牛柳捧出嚟俾客人过过目，再问你想切成多件，并伴上薯蓉及红酒汁。
睇见切好嘅威灵顿牛柳，粉嫩而唔会有半滴血水嘅牛柳肉，感觉已经令人垂涎，再裹上一层薄薄嘅酥皮，而酥皮下卷入巴马火腿及蘑菇，真喺食咗先再讲。
啲牛柳煎封得恰到好处，又嫩又腍，每口都肉汁澎湃，而巴马火腿及蘑菇，令味道更富层次，沾少少红酒汁，绝对喺有画龙点睛之效，坚好食。至于啲薯蓉，真喺唔会差得去边啰，幼滑得好细致。
Strawberry & Sherry Trifle $88最后来点甜作结，不过就唔喺面包布甸，而喺一款叫Sherry Trifle，见过有译为雪梨酒浸果酱冻杯，喺以一层果肉、一层吉士、一层果肉及一层忌廉做成，有啲就会加一层海绵蛋糕。因为混有大量士多啤梨肉，感觉香甜清爽，而吉士与忌廉，都令口感多添滑溜感。
无论饮品，抑或食物，都有高水准嘅表现，服务亦都熨贴细心，无怪乎越夜越多客人。相信去多秋凉之时，更多人会嚟到享受一吓甚富花园气息嘅英伦晚餐。
张贴
