PAN de PAIN Pancake & Sweets (K11購物藝術館)

营业中

休息中

假日呢间餐厅系一定排队，长期有个area系门口俾人排，真夸张。所以我就选择平日lunch time早少少黎就唔使排队直入。呢度主打pancake，基本上冇乜其他野食，但都有咸点既。叫左个三文鱼牛油果pancake，个pancake非常普通，自己系屋企买包粉都会煮到的pancake，三文鱼偏咸，沙律唔错。整体冇特别。由于真系冇乜咸点可以叫，已经直入甜品，除左pancake都叫左个french toast试下。佢的french toast有层焦糖系面外脆内软，食过french toast都会知里面会沾左蛋浆，好似食紧焦糖布丁咁的味道。呢度的french toast好重焦糖，所以都比较甜，但口感系几正。主角出场啦！1点后先开始供应所以最早1:30pm先有得食，早lunch的朋友要注意啦！两大块厚厚的souffle pancake好香蛋味，切落去好软好似mousse咁，食落入口即溶，自己加糖浆，钟意加几多都得。食落的蛋味又唔算好浓，但质感就肯定系成功的souffle pancake。你问我系唔系最正的pancake，一定唔系，但值唔值得试，都okay既。地点方便，但要排队就唔好搞我啦。