影片
更多
2013-05-03
298 浏览
同男友庆祝拍拖周年,见呢间放题网上评价唔错,又任饮任食无限时就打算试下!由于当日系星期一,谂住唔多人就无订位直接上去,点知上到去都坐满人,带位小姐仲好细心提我地下次一定要订位,啲位都几松动,可以静静地同男友庆祝真系一流!坐低即刻有人介绍落单方法,会送个剌身拼盘黎试左先,仲即刻帮你准备埋饮品,见清酒任饮就叫枝试下,一边食一边落单,啱晒行左成日街既我地!佢地剌身种类唔算多,但都几新鲜!可惜甜虾只得拼盘先送,无得任食有啲失望!我地叫左几款试::三文鱼比较厚切,唔系腩位但都几肥,食落口感特别好!男友钟意食忍唔住叫左几次!白玉豚都几特别,食落腥味重啲,但口感油油地,其实几好食几特别!另外希灵鱼咬落爽口唔算太腥!本身好怕放题食寿司,因为多数啲饮都好散味道唔多好,但呢到卖相同味道都唔错,仲几多款可以选择!例如玻璃虾,白鸟贝,樱花鱿鱼寿司等等...连带叫埋卷物,白之恋外面层三文鱼转左系立鱼,本身唔抱寄望,试完又几爽口都唔错!仲有香芒卷,炸蚝反卷都系唔错既推介!食完生既试熟既::芝士焗蚝,惊好"漏"就先试两只!沙律酱味好重,但蚝就几大只几新鲜!食落系想像中咁"漏"之后叫多几转,一定要试!和牛粒好"林",
同男友庆祝拍拖周年,见呢间放题网上评价唔错,又任饮任食无限时就打算试下!由于当日系星期一,谂住唔多人就无订位直接上去,点知上到去都坐满人,带位小姐仲好细心提我地下次一定要订位,啲位都几松动,可以静静地同男友庆祝真系一流!
坐低即刻有人介绍落单方法,会送个剌身拼盘黎试左先,仲即刻帮你准备埋饮品,见清酒任饮就叫枝试下,一边食一边落单,啱晒行左成日街既我地!
佢地剌身种类唔算多,但都几新鲜!可惜甜虾只得拼盘先送,无得任食有啲失望!我地叫左几款试::
三文鱼比较厚切,唔系腩位但都几肥,食落口感特别好!男友钟意食忍唔住叫左几次!
白玉豚都几特别,食落腥味重啲,但口感油油地,其实几好食几特别!
另外希灵鱼咬落爽口唔算太腥!
本身好怕放题食寿司,因为多数啲饮都好散味道唔多好,但呢到卖相同味道都唔错,仲几多款可以选择!例如玻璃虾,白鸟贝,樱花鱿鱼寿司等等...连带叫埋卷物,白之恋外面层三文鱼转左系立鱼,本身唔抱寄望,试完又几爽口都唔错!仲有香芒卷,炸蚝反卷都系唔错既推介!
食完生既试熟既::
芝士焗蚝,惊好"漏"就先试两只!沙律酱味好重,但蚝就几大只几新鲜!食落系想像中咁"漏"之后叫多几转,一定要试!
和牛粒好"林",好易入口唔会似牛肉干,又系值得试!鸡软骨串辣辣地,唔会太硬,点佢准备既柠檬汁仲正!
天妇罗就只系叫左大虾,即叫即炸粉唔厚,但唔点天妇罗汁就无咩味!食到饱饱地叫啲小食送酒俾个胃抖下!
串烧墨鱼,好简单配左啲烧汁,唔算好特别!汁煮鸡肾意想不到系冷盘但都够入味!
元贝沙律好新鲜,配埋酱汁食同枝豆甜甜地用黎送酒一流!其实佢地火锅都系任食好吸引!但我地实在太饱,所以决定下次再试!
最后到甜品::
个炸香蕉真系好特别,外面炸得松化内里"林林"地几好食!雪糕就无但泡芙任食,哈哈搞到我地2个不停再叫!
题外话/补充资料：
[b][/b]食物总算不过不失,试咁多间放题以$178既价格,又任坐任饮任食黎讲质素算系中上!但最令我会再食多次系因为服务态度,呢到所有员工都好有礼貌!又会去帮我地加番饮品同清理枱上垃圾!最重要系会主动帮我地查有无漏单,良好态度令人值得赞赏![b][/b]
(以上食记乃用户个人意见 , 并不代表OpenRice之观点。)
张贴
