利寶閣 (已結業)

屋企人一向钟意食中菜，听同事讲利宝阁有个2小时夜市放题几抵，有任食扁皮鸭同埋美国谷饲牛肉，平日去食就$278一位，另加茶水同加一服务费。扁皮鸭热辣辣原只烧好，待应系你面前将鸭皮一块一块削落嚟，非常新鲜悦目。夹完鸭肉之后再拎啲甜酱同话梅酱，用薄皮包住鸭肉同酱汁，食落好有口感唔会觉得腻。成家大概食左40几块，好和味呀。美国谷饲牛肉牛肉系你面前煎，企系枱前已经闻到牛肉香味。牛肉唔会煎得太老，食落嫩滑有𑁻口，牛肉味仲好香浓。花胶响螺鸡汤每人都会有一碗鸡汤，汤嘅材料好足，大块厚身花胶，配上老火原味鸡汤，令到本身充满鲜味嘅汤味道更香浓。其他炸物炸虾饺，炸芝士年糕，炸软壳蟹，呢几款炸物几特别，外脆外软。虾饺好有鲜味，芝士年糕做到有流心效果，而软壳蟹脆卜卜，加埋啲蟹膏一齐食，好香口。