海鮮站 (已搬遷) 新店位置

一早订好位同埋订左长脚蟹, 一行三位美女, 七点半海鲜餐启航!整体食物都好新鲜, 够鲜味. 上菜有次序. 唔会又冷又热咁上. 服务够勤快. 老板同服务员都好亲切. 价钱都算系经济, 同类食物系第二间食, 随时作成七百几蚊一个人呢. 原则上无乜野好弹. 唯一稍为不足系因为舖头细细, 所以坐在港晶中心入边既走廊, 但食物水准完全可以补足这不足之处. 当晚叫左长脚蟹半只, 大蛏子, 薯容焗带子, 蓝青口, 两个中汤一个龙虾汤, 翡翠螺, 三只蚝, 大虾杂果沙律.