德國熱狗 (已結業)

经常会到胜利道睇宠物嘅我，每次睇完之后都必定会到呢间热狗店食嘢。我钟意帮衬呢间热狗店嘅原因好简单，因为佢哋卖嘅热狗好味之余，价钱亦都大众化，而且店员对客人嘅态度好亲切，差唔多次次去帮衬，都会听到d店员同街坊倾计。今日我就叫咗个1号餐 肉酱热狗加薯饼（或可选薯条)，＄30肉酱热狗比我想像中好味得多，面包超级松软又够热；肉酱份量都好多下配埋茄汁增加左肉酱嘅甜度至于肠仔就系一般嘅厨师肠，其实都唔差嘅，不过如果系脆皮肠就更加好喇。另外，我自己都好钟意食呢间铺头嘅薯饼。每一次食嘅薯饼又或者薯条，水准如一够热够脆，亦都感觉到d薯仔好新鲜，质素比麦当劳嘅薯类产品高几班。