茶一 (已結業)

本身行过，见有啲口干就买杯嘢饮，冇乜期望之下，反而令我喜出望外，好耐未饮过咁出色嘅茶饮店，尤其系我哋香港人，自己开嘅就更加要支持啦。我叫咗个奶盖乌龙茶，个奶盖好厚身，一啲都唔hea,而且份量都唔少,饮落去好重奶味,啲泡打得好滑，加上乌龙茶本身就有啲苦涩味，两者中和之下，好出色，价钱仲好实惠添！亚女就叫咗杯芒果厚奶，入边系劲多芒果肉，而且好甜，未饮嘅时候一层白一层黄咁层次分明，饮落有啲似杨枝甘露，但系再重奶味啲嘅，亚女劲钟意，我叫佢唔好加甜，老板话佢哋冇加甜㗎，佢哋注重健康所以都真系令我几惊喜，虽然冇加甜，但因为佢个芒果本身甜，所以其实成杯野好够味好Flash！呢间野会再回购呀