麵屋黑岩

营业中

休息中

今日专诚嚟到深水埗，系因为要同朋友去嘉顿山睇夜景(因小山丘靠近嘉顿面包厂房，因而俗称嘉顿山)。上山前当然要医医肚先啦，但亦都唔想食得太heavy，所以就拣咗嚟食拉面。见到师父好用心咁烧紧啲叉烧，我就点咗个黑蒜拉面配火炙叉烧，个汤底系几浓味嘅，有油香得嚟唔会太肥腻。我将入面大大嚿黑蒜捞匀咗喺啲拉面度，食落蒜嘅味道几突出，啲叉烧都算系肥瘦均匀。另外我哋都点咗薯片鸡翼，不过唔记得影相，我觉得食落都几得意，不过我个friend就唔多钟意。整体而言，呢间喺深水埗嘅拉面店食物味道唔错，值得一试。