Nomads (已結業)

昨日同朋友一早就去金巴利道试婚纱，试完梗系要揾嘢食医吓个五脏庙啦，咁啱对面街有个角落位，见到啲厨师炒嘢，好奇望吓啦，原来系食蒙古自助餐，餐厅经理见我地八卦，知我地未食过，仲话请我地饮杯嘢，见佢话百几蚊位任砌，咁就入去试吓啦。入到去餐厅，里面充满蒙古特色的装修同摆设，新娘子更被毛毛櫈深深吸引住。经理请我地饮咗杯Fruit punch，略略介绍点食发，我地就走去攞嘢食。见到buffet枱，一左一右，有汤，有沙律又有水果，lunch都已经很不错，最特别系身后𠮶条长枱，上面嘅食材，即时令我谂到星洲炒米，虾仁炒蛋，杨洲炒饭，唔好怀疑，因为佢不但有米粉，有白饭，虾，海鲜，韭菜，芽菜，芫茜，一应俱全，仲有劲多调味料，最重要系你执好哂啲𩠌，有师傅帮你炒，有人送到你面前，多菜少肉，多米定少饭都可以自己决定，最后再自己整多个多菠萝嘅夏威夷pizza，令呢个午餐划上完美嘅句号，讲真，二百蚊都唔驶嘅自助午餐，去边度揾。食完呢餐，我地两个满足到爆，新娘子仲话要带埋未来老公嚟食添。