峰壽司 (已結業)

峰有几间分店, 但系每次都系最钟意呢间, 几个月前同宝贝睇完食评去试, 果真好好味!呢日我地又去左食, 已经系第3次啦~都食左十几碟, 好饱好满足咁离开一定要推荐的系峰鳗, 虽然贵小小但同普通ge海鳗无论卖相定味道都胜好多筹!然后系宝贝最钟意的鲜蟹柳, 上面d沙律酱同条蟹柳好夹, 连平时唔食蟹柳的我都爱上左佢, 仲连续食左3碟tim!去3次, 2次都有叫火炙寿司, 睇住个师傅用火枪烧佢几过瘾, 卖相ok, 味道就普普通通啦. 三文鱼刺身好新鲜, 而且切得厚, 宝贝食得好滋味~峰玉子就系个款特别咁解, 味道同一般玉子寿司冇咩分别, d饭仲少左tim炸虾热辣辣出炉, 但系好似炸得太耐咁, 有d焦, 而且好多油......蛤仔汤都几好饮, 但试下好啦, 下次应该唔好再叫忌廉芭芙都叫左2碟, 味道唔错, 但系外皮唔够软, 但胜在细细粒而入口自从食过一次之后, 而家间唔中都会去, 而且几次都有番个水准, 抵赞~waiter都几好服务, 坐上去之后仲帮你推埋椅~ 落单又唔使等好耐~不过就prefer中午或者夜晚早少少, 夜晚好多时都要企系条街度等位, 等足半粒钟, 脚都软埋