莎巴馬來西亞餐廳 (已搬遷) 新店位置

今日同友人一行四人黎开湾仔，男友一开始已经锁定要再黎食呢间(以往都食过几次了)。是日五月二日，红日，大概七点半左右到，一入到就被问有无订枱，系无既。好采都仲有位，安排到入座。沙嗲串烧，略嫌太细串啦，唯有当少食多滋味，作第一道菜，开开胃啦！拉茶，不过不失，自己就略嫌唔够滑同唔够甜，但男友觉得ok椰汁海鲜饭，个椰汁好香，捞埋一齐好好味，如果多啲海鲜就更好，个人唔太中意食杂豆。油松饼，用黎点巴东牛肉超正！好味到临尾要嗌多份呀！巴东牛肉，好重香料味，超级惹味，本人系唔食得辣既人，但呢个都食到，再次强调 油松饼夹埋一齐食系超正！马拉盏炒通菜，呢个都好好味。只系今餐饭其他𩠌更出色，呢个相对就普普通通咁啦。肉骨茶，叫个细size,分到四小碗。每碗有一件排骨，支竹，豆卜，好重药材味，正呀！仲有用油炸鬼点肉骨茶食是常识吧！食到尾声先醒起，无黑酱油既？！唔知系侍应俾漏左定系餐厅无呢？食到饱饱，超满足又keep 到水准，正！走左先醒起唔记得嗌个甜品，炸香蕉。下次再试！