古味坊 (已結業)

元朗千色店后街美食云集，见到有间卖古早味蛋糕嘅小店有几个人排队帮衬，我就抱住我嘅好奇心买返个试吓。想特别啲，拣过我最爱嘅伯爵茶口味。店员特别叮嘱放入雪柜第二日食，先系最好味嘅食法。不过先食先享受，返到屋企忍唔住切一旧嚟食。喺盒度拎出嚟已经闻到好香嘅伯爵茶味同蛋味。心急嘅我拎咗把小生果刀来切蛋糕，先发现个蛋糕好大个㖞，真系每次厚切食一块都够晒！蛋糕咬落非常松软，伯爵茶口味非常明显！食完一块之后我就将佢放返入雪柜，好似店员咁讲，第二日先拎返出嚟食！第二日再拎出嚟食，果然系比较好味，可能雪冻咗，咬落比较有口感，而茶嘅香味更加明显！下次要试埋朱古力同肉松海苔味先！