尚青商號 (已搬遷) 新店位置

好挂住台湾美食🤤去开湾仔就去左哩间bookmark左好耐既台式餐厅🏃🏻‍♀️☑️麻辣鸭血煲 个鸭血系一路食一路煲，暖笠笠。有鸭血、豆腐、贡丸、津白同冬粉。又麻又辣，好够味，而且个汤底好浓香😋鸭血全部大大件，好滑。所有配料都好吸味，睇落好少但食埋冬粉都够饱。☑️半筋半肉牛肉面 手工宽面面系Q弹个种，不过就唔太吸味。个汤底十分浓郁，汤同面一齐食就好够味。记得加埋个酸菜落个面到，十分夹。牛肉唔会鞋，但未去到嫩滑。至于牛筋就系好淋个种，两样都系十分入味。☑️古早味手工芋圆甜汤虽然只有热既拣，但其实只系室温。睇落细细碗，但入面有好多芋圆、仙草同红豆。芋圆十分烟韧，仙草系比较淋个种。