Pho Bar (已結業)

机缘下等朋友收工，落利源西街食野再过去IFC睇戏。佢带我食佢lunch饭堂猪颈肉越南金边粉 $88大碗，汤底有金不换、芫茜、芽菜、洋葱同葱，牛骨味浓郁；另外，可以按个人喜好加埋炸蒜～猪颈肉大大块～都几厚肉地。浸左汤都都唔会变稔，肉质依然结实有金不换既汤底好重味，金边粉吸哂。叻沙米线$88有虾、鱿鱼、豆卜、鱼片同鸡蛋常见都有，再加越南扎肉，好多配料，正呀！米线够粗，口感丰富，且鱼片十分弹牙。炸米网卷 $35，外皮好脆，里面嘅料虽然唔算好多，但口感层次丰富！秘制鸡翼$42～千岛酱汁带少少辣，而鸡皮炸得香脆，配埋千岛酱汁，好有风味。任何一款面都可以加$12配杯野饮～奶茶咖啡柠檬茶。