影片
更多
2013-10-24
10 浏览
趁放假又周围去食吓嘢，平时搭车经过西环觉得好似有好多食店，所以就去逛吓。经过呢间咖喱屋，好似几正宗咁，所以决定一试。打开门，感觉真系好地道印度食店feel。店舖唔大，灯光较暗同墙上有啲印度画；店员亦系印度人，不过识讲英文，所以点菜绝冇问题。Menu同其他咖喱馆差唔多，都系以唔同肉或海鲜等分类，价钱大约$80-90。我哋又系研究咗好耐，最后决定嗌一鸡一牛，加多两杯饮品。不过order前，店员已送上薄脆一块，之后再serve多两碗汤。薄脆面有啲葱粒及蕃茄粒等topping，咸咸地，几香口。汤系蔬菜汤，汤内有少许蔬菜粒，有啲咬口。Mango Lassi上菜好快，饮品同食品唔洗十分钟已上台。Mango Lassi好浓， 好creamy，好似饮yogurt咁。甜度适中，不过芒果味可以再浓啲。Red Sangria虽然系西班牙特饮，但见到menu有，即管试吓啦。果味比酒味强，同埋甜咗啲。香烧春鸡见呢个系推介菜色，当然要试吓。有两件鸡膇同两件鸡胸，份量十足；用铁板上，可以保持热度。鸡肉嫰而且入味，点埋两个sauce味道更吸引。配菜有沾咗啲酱汁嘅洋葱丝同椰菜丝，食埋就冇咁溜。原汁咖喱牛腩+千层酥牛腩虽
打开门，感觉真系好地道印度食店feel。店舖唔大，灯光较暗同墙上有啲印度画；店员亦系印度人，不过识讲英文，所以点菜绝冇问题。
Menu同其他咖喱馆差唔多，都系以唔同肉或海鲜等分类，价钱大约$80-90。我哋又系研究咗好耐，最后决定嗌一鸡一牛，加多两杯饮品。不过order前，店员已送上薄脆一块，之后再serve多两碗汤。薄脆面有啲葱粒及蕃茄粒等topping，咸咸地，几香口。汤系蔬菜汤，汤内有少许蔬菜粒，有啲咬口。
Mango Lassi
上菜好快，饮品同食品唔洗十分钟已上台。Mango Lassi好浓， 好creamy，好似饮yogurt咁。甜度适中，不过芒果味可以再浓啲。Red Sangria
虽然系西班牙特饮，但见到menu有，即管试吓啦。果味比酒味强，同埋甜咗啲。
香烧春鸡
见呢个系推介菜色，当然要试吓。有两件鸡膇同两件鸡胸，份量十足；用铁板上，可以保持热度。鸡肉嫰而且入味，点埋两个sauce味道更吸引。配菜有沾咗啲酱汁嘅洋葱丝同椰菜丝，食埋就冇咁溜。原汁咖喱牛腩+千层酥
牛腩虽厚身，但淋而入味，而且份量都唔少。咖喱汁比以往食过嘅印度咖喱冇咁重香料味，但反而较合我哋嘅口味。千层酥有别一般薄饼，呢个真系外脆内软得嚟又松化，点咖喱一流。
不过咖喱虽浓，但唔辣。嗜辣嘅我问问店员有冇辣酱，佢好殷勤咁话就咁加辣酱同咖喱未必配合，建议攞碟咖喱入去再煮过。咁又唔洗咁大阵象，不过店员之后都整咗碟辣嘅酱料俾我哋。咖喱加咗辣后更加惹味，最后成碟酱用唒。
食食下，可能店员见我地仲有咖喱汁剩，问我哋要唔要饭。虽然已好饱，但都想试吓。呢个黄姜饭应该系即刻炒，热辣辣，饭干身得嚟亦软硬适中，最后咖喱汁用尽，食完真系饱到捧住个肚走。埋单时，店员会拎个全盒出嚟，糖果可以清吓阵香料味。
呢度招呼殷勤，店员亦好关心客人对食物嘅满意度，周不时会问吓客人嘅意见。值得一赞！
张贴
